Нығматулинмен байланысы бар хоккей клубы мемлекетке қайтарылды

Мәжілістің экс-спикері Нұрлан Нығматулиннің әулетімен байланысы бар қарағандылық «Сарыарқа» хоккей клубы мемлекет меншігіне өтті.

Бұл туралы бас прокуратура хабарлады.

«Прокуратура 900 млн теңгеге заңсыз берілген 37 жер телімін және «Сарыарқа» хоккей клубын мемлекетке қайтарды. Қазір мемлекеттік мүлікті жекешелендірудің заңдылығы тексерілуде» деп хабарлады қадағалау органы.

Nege.kz ақпараты бойынша, «Сарыарқа» клубы бұған дейін Мәжілістің экс-спикері Нұрлан Нығматулиннің ағасы Арғын Нығматулинмен байланысты болған. Арғын клубты құрып, 2018 жылы директор қызметінен кеткеннен кейін оның «мәңгілік» тәлімгері әрі кеңесшісі болып қалды.