Нығматулин Интерполдың тізімінде жоқ

Прокуратураның бастамасымен антикоррупциялық қызмет халықаралық іздеуге жариялаған Арғын Нығматулин Интерполдың ашық «қызыл бюллетеньдер» тізімінен табылмады, деп хабарлайды Orda.kz.

ҚазТАГ мәліметінше, Интерпол сайтындағы «қызыл бюллетень» жарияланған тұлғалардың тізімінде қазіргі уақытта Қазақстан тарапынан 11 адамға іздеу жарияланған. Астана уақытымен 18:20-дағы жағдай бойынша олардың арасында Арғын Нығматулин жоқ.

Айта кетейік, бұған дейін Бас прокурордың орынбасары Әсет Шындәлиев Нығматулиннің халықаралық іздеуге жарияланғанын мәлімдеген болатын.

«Интерпол желісі бойынша "қызыл бюллетень" жарияланады, содан кейін Интерпол оны растап, хабарлайды», – деген еді Шындәлиев.