Нығматуллиннің балалары мемлекеттік субсидияларды қайтарды

Нығматуллиннің балалары мемлекеттік субсидияларды қайтарды.

«Agro Lab» ЖШС «Аналит Инвест» ЖШС-нен жалпы құны 185 млн теңге болатын голландиялық «Skalar» компаниясының топырақты талдауға арналған құрал-жабдықтар жинағын сатып алған. Алайда, 2019 жылдың қарашасында зертхананың салтанатты тұсаукесері өткеннен кейін бас директор Әділхан Арыстанов «Аналит Инвест» ЖШС басшысы Марат Байтұяқовқа құрылғының ақаулары туралы есеп жібере бастаған. Онда ол жаңа заманауи сараптамалық құрылғылар үлгі нәтижелерін дұрыс көрсетпей, үнемі істен шығып жатқанын айтқан.

Кепілдік міндеттемелері бөлігі ретінде «Аналит Инвест» ЖШС аталған ақауларды жоюға: 2020 жылдың қаңтарында және 2021 жылдың ақпанында екі рет голландиялық инженерлерді тартқан. Екі жағдайда да өндірушінің шетелдік мамандары ақау себебі жабдықта емес деген қорытындыға келген. Skalar өзінің қорытынды хатында «Агро Лаб» ЖШС-не зертхананың қалыпты жұмыс істеуі үшін жоғары дәлдіктегі жабдықты пайдалану нұсқауларын зерделеп, қатаң түрде оларды мүмкіндігінше жұмыс істете алатын білікті мамандарды жалдауды ұсынады.

Мамыр айының соңында «Аналит Инвест» ЖШС басшысы Солтүстік Қазақстан облысының прокуратурасына Бас прокурор Берік Асыловтың атына жазылған арыздарды жолдаған.

«Agro Lab» ЖШС 2020 жылдың 2 қыркүйегі мен 11 желтоқсаны аралығында бес рет субсидия алуға өтініш берген. Анықталғандай, 2020 жылдың 11 желтоқсанындағы өтініші қанағаттандырылып, ақауы бар құрал-жабдықтар үшін кәсіпорынға мемлекеттік бюджеттен ірі көлемде – 53,5 млн теңге субсидия төленген.

Марат Байтұяқовтың айтуынша, «Agro Lab» ЖШС басшылығының әрекетінде ҚР Қылмыстық кодексінің 190-бабы – алаяқтық, сондай-ақ ҚМУ лауазымды тұлғаларымен сыбайластық жасау бойынша қылмыстық құқық бұзушылықтың барлық белгілері көрінеді.

Ratel.kz мақаласынан кейін ақша бюджетке қайтарылған.