Нығматулинның қызы Нұр-Сұлтан әкімінің орынбасары қызметінен босатылды

Мәжіліс пен Сенат экс-депутаты Ерлан Нығматулиннің қызы Малика Бектұрова Нұр-Сұлтан қаласы әкімі Алтай Көлгіновтың орынбасары қызметінен кетті.

Саясаттанушы Ербол Еділов өзінің Telegram-каналынан Бектұрованың Green Mine компаниясының басқарма төрайымы болып тағайындалғаны туралы жазды. Бұл компания тау-кен өндірісінің техногендік минералдық түзілімдерін қайта өңдеуге маманданған.

Елорда әкімдігінің баспасөз қызметі хабарлағандай, Бектұрова 15 желтоқсаннан бастап басқа жұмысқа ауысуына байланысты қызметінен босатылды.

Нығматулиннің қызы бірнеше жоғары білім димломына ие, оның ішінде Гарвард дипломы бар. Оның екі магистр дәрежесі бар.

Еңбек жолын 2002 жылы қаржы министрлігінде жетекші маман қызметінен бастаған. Әр жылдары Бектұрова индустрия және сауда министрлігінде бас маман, көлік және коммуникация министрлігінде бөлім басшысы, басқарма басшысы және департамент директоры болып жұмыс істеді.

2006 жылдан 2016 жылға дейін Астана қаласының кәсіпкерлік және өнеркәсіп басқармасының басшысы болды. 2016 жылы елорда әкімінің орынбасары болды.