Нығматулиндерге тиесілі ҚазФосфат Таразды улай бере ме? – әкім жауабы

Бүгін Жамбыл облысының әкімі Нұржан Нұржігітов БАҚ өкілдерімен кездесу өткізді. Кездесу кезінде әкім Нығматулиндерге тиесілі ҚазФосфат зауытына қатысты сұраққа жауап берді.

Әкімнің айтуынша, тексеру жұмыстары 26 шілде күні бітеді. Екі күн бұрын экология вице-министрі осы жерге жұмыс сапарымен келген. Осы жұма күні министрлік тарапынан қосымша бір маман жіберіледі.

«Тұрғындардың  денсаулығына қауіп жоқ деп айтуымызға себеп: экология департаменті тарапынан екі жерден өлшем жүргіздік. Сүлейменов көшесіндегі ҚазФосфаттың санитарлы зонасы 1 шқ жерде. Шайқорық елді мекенінде де тура сондай өлшемдер жасадық. Сол жерде анықталғаны нормадан асатын артық ештеңе болған жоқ» деді әкім «Қаңтар қасіретінде» құқық қорғау органдарынан зардап шеккен Нурадин Рақайдың қойған сауалына.

Нұржігітовтың айтуынша, одан бөлек деңсаулық сақтау басқармасы, сол уақтттан бері жедел –жәрдемге емхана ауруханаларға тұрғындар тарапынан өтініш беріп жатқандарға талдау жүргізілген.

«Мысалы сол күні және алдыңғы күні жедел-жәрдемге шалған қоңырау бойынша талдау жасасақ, 100-ге жуық адам өтініш берген екен. Бүгінгі күні екі азамат ауруханада жатыр. Біреуі жатыр, екіншісі ем-домын алып, үйіне қайтарылған. Бір азамат «сол ҚазФосфатта болған жағдай бойынша тамағы ауырып жатқанын» айтты. Бірақ тексере келе, одан коронавирус анықталды. Сондықтан осының бәрін ескере отырып, сондай шешім қабылданды» деді әкім.  

Нұржан Нұржігітов жарты сағат 2022 жылдың 6 айына арналған есебін оқып, екі жарым сағат БАҚ сұрақтарына жауап берді. Дегенменде көкейдегі сұраққа толымды жауап алынбады.

Авторы: Исламбек Дастан, Тараз