Нығматулин Лондонда екені туралы ақпаратты жоққа шығарды

Мәжілістің бұрынғы спикері Нұрлан Нығматулин өзінің отбасымен бірге Лондонға ұшып кеткені туралы ақпаратты жоққа шығарды.

Бұл туралы журналист Махамбет Әбжан өзінің Telegram-арнасында жариялады.

– Мен бұл жерде Bigben мен Темзаны көріп отырған жоқпын. Менің ойымша, сіз осының барлығы бос сөз екенін түсініп отырсыз. Өтірік. Сондықтан бұндай мәлімдемелерді тыңдаудың қажеті жоқ деп ойламын. Мен Отанымыздың астанасы – Нұр-Сұлтандамын, – деді экс-спикер.

Сонымен қатар, Нығматулин мәжіліс спикері лауазымынан отставкаға кеткеннен кейін қазір немен айналасып жүргені туралы айтып берді.

– Менің соңғы жылдарда мүлдем бос уақытым болмады. Қазір мен көптеген кітаптар оқып, достарыммен кездесудемін. Жақында мен 10 жыл көріспеген өзімнің кейбір сыныптастарыммен кездестім. Отбасы, балалар, немерелер. Бос уақытың барда – істейтін шаруа да болады, – деп түйіндеді Нұрлан Нығматулин.

Еске салсақ, Мәжілісінің экс-спикері Нұрлан Нығматулиннің елдегі бар мүлкін сатып, шетелге – Лондон қаласына аттанғаны туралы ақпарат тараған болатын.