Нұртас Адамбай неліктен істі болғанын айтты

Белгілі продюсер, актер әрі шоумен Нұртас Адамбай «Діни қызмет және діни бірлестіктер туралы» заңды бұзғаны үшін сотқа тартылды.

Нұртас Адамбай facebook парақшасына БАҚ қызметкерлеріне қозғалған іс жөнінде өз ойын жеткізді.

«Астана Дін істері басқармасы мені Instagram парақшама Құран Кәрімнің аудармасынан сөздер жазғаным үшін сотқа берді. Шынымды айтсам, біздің елде Құран аудармасын келтіре алмайтынымызды білмедім», - деді Нұртас Адамбай парақшасында.

Нұртас Адамбай ҚР Әкімшілік құқық бұзушылық туралы кодексінің 490-бабы, 1-бөлігі, 4-тармағы бойынша, яғни «Діни қызмет және діни бірлестіктер туралы заңнамасын» бұзғаны үшін айыпталып жатыр. 

Нұртас Адамбайдың үстінен қозғалған іс расталса  50 АЕК (185 мың теңге) заңды айыппұл төлеу жазасы тағайындалады.