«Нұрсұлтан» шыңының атауы өзгертілмейді

Іле Алатауының Тянь-Шань жотасының солтүстік беткейінде орналасқан «Нұрсұлтан» шыңының атауы өзгермейтін болды.

Бұл туралы Власть хабарлады.

Шыңның атауын өзгерту туралы ұсыныс түспегенін Алматы облысының Тілдерді дамыту жөніндегі басқармасы айтты. Бұған дейін «Нұрсұлтан» шыңы «Алматы» шыңы деп өзгертіледі деген ақпарат тараған болатын.

Шыңның алғашқы атауы - кіші «Алматы» болған, 1935 жылы бірінші комсомолдық альпинизм жарысынан кейін 10 жыл өткен соң «Комсомол» шыңы деп аталды. Ал 1998 жылы шың бұрынғы президент Нұрсұлтан Назарбаевтың құрметіне ауыстырылған болатын. Оның биіктігі теңіз деңгейінен 4 мың метрден асады.