Нұрсұлтан Назарбаевтың тұңғыш ұлы Тауман энергетика министрінің қызына үйленді — БАҚ

Әлеуметтік желіде экс-президент Нұрсұлтан Назарбаевтың тұңғыш ұлы Тауман Нұрсұлтанұлы туралы видео қызу тарай бастады.

Оның жаңадан тағайындалған энергетика министрі Алмасадам Сатқалиевтің қызы Анаделя Майдановамен неке қиғаны хабарланды.

Бұл туралы ҚазТАГ хабарлайды.

Көптеген басылымдарының жазуынша, Тауман Нұрсұлтанұлы - Назарбаев пен оның үшінші бейресми әйелі, «Қазақстан Аруы -1999» Әсел Құрманбаеваның туған ұлы.

Дереккөз Тауманның 2005 жылы туғанын, сәйкесінше 18 жаста екенін айтады. Айтпақшы, Әсел Құрманбаева Назарбаевтан 2008 жылы екінші ұлы Бәйкенді дүниеге әкелді.

Тауманның Алмасадам Сәтқалиевтің қызы Анаделя Майдановамен некеге отырғаны бұрыннан айтылып жүр. Алмасадам Сәтқалиев қызы Тауманмен кездесе бастағаннан кейін Қазақстан Республикасының Энергетика министрі болды, делінген желіде тараған видеода.

Сондай-ақ, елордадағы Назарбаев резиденциясы Тауманның атына аударылған.

Алайда министрдің өзі бұл ақпаратқа әзірге түсініктеме берген жоқ.