Нұрсұлтан Назарбаев «Құрметті сенатор» атағынан айырылды

Қазақстанның бұрынғы президенті Нұрсұлтан Назарбаев «Құрметті сенатор» атағынан айырылды.

Бұл туралы Сенат төрағасы Мәулен Әшімбев айтты.

– «Құрметті сенатор» атағы бұған дейін тек бір-ақ адамға берілді. Заңда «Құрметті сенатор» деген атақ жоқ. Оны бірден анықтап айтайық. Бұл кезінде Сенат регламентіне кіргізілген өзгеріс болатын. Бұл регламентті біз алып тастадық. Әрі қарай бұндай атақ ешкімге берілмейді. Қазір бізде ондай құқықтық негіз жоқ. Кезінде солай болған. Алынып тасталды. Қазір ондай атақ жоқ, – деді Сенат төрағасы.

Еске салсақ, бұған дейін экс-президент Назарбаевқа қатысы бар «Тұңғыш Президент – Елбасы» заңы жойылған болатын.