Нұрсұлтан Назарбаев бірінші жұбайымен қоштасу үшін Алматыға келді

Қазір Сара Алпысқызының тірі екені туралы ақпараттар тарап жатыр. Алайда Orda.kz дереккөздерінің мәліметінше, оны өмірді қамтамасыз ететін аппараттан ажыратқан.

Сара Назарбаеваның қайтыс болғаны жөнінде алғашқы ақпаратардан кейін кейбір БАҚ пен Telegram-арналар «сенімді дереккөздерге» сүйене отырып, бұл ақпаратты жоққа шығаратын жазбалар тарата бастады. Атап айтқанда, «Совминкадағы» күзет Нұрсұлтан Назарбаевтың ауруханаға жиі келуіне байланысты күшейтілгені айтылуда. Бүгін экс-президент расымен Алматыға ұшып келіп, ауруханада болған. Алғашқы жары Сара Алпысқызымен қоштасу үшін.

Сонымен қатар, тұңғыш президенттің баспасөз хатшысы Айдос Үкібай X әлеуметтік желісінде мынадай мәлімдеме жасады.

«БАҚ өкілдерінен келіп түскен көптеген сауалдарға байланысты Сара Алпысқызының ауруханада ем қабылдап жатқанын хабарлаймын. Оның қайтыс болғаны туралы ақпарат шындыққа сәйкес келмейді» деп жазды Үкібай.

Еске сала кетейік, Сара Назарбаеваның қайтыс болғаны туралы ресми мәлімет әлі жарияланған жоқ. Алайда, біздің редакцияның дереккөздері Қазақстанның бұрынғы бірінші ханымы өмірден озғанын растайды.

Олардың мәліметінше, дәрігерлер науқастың өмірін қамтамасыз ететін аппаратын ажырату туралы шешім қабылдаған.

Айта кетейік, саясаткерлер мен олардың жақындарына қатысты жағдайларда өлім фактісі әдетте бірден емес, белгілі бір жағдайларға байланысты кешірек расталады.

Мысалы, Болат Назарбаевтың қайтыс болғаны ресми түрде тек келесі күні жарияланған. 2023 жылдың 12 қарашасында кешке аурухана алдында кезекшілік еткен Orda.kz журналистері катафалктың шығарылғанын, ауруханадан барлық адамның кеткенін өз көздерімен көрген. Алайда дәрігерлер оның өлімі туралы ресми хабарды 13 қараша күні таңғы сағат 9:30-да таратты — ол кезде марқұм да, оның туыстары да ауруханада болмаған.

Бүгін Назарбаевтар әулетінің біз тілдескен туыстары қойған сұрақтарымызға қысқа ғана «Иманды болсын!» деп қысқа жауап берді.

Жаңа ғана «Орда» сайтының тағы бір дереккөзі Сара Алпысқызының көз жұмғанын растады.