Нұрсұлтан Назарбаев «Алатау» шипажайын 50 миллион долларға сатты

Нұрсұлтан Назарбаевтың отбасына қатысты құрылымдар Алматыдағы «Алатау» шипажайын 50 млн долларға сатты, деп хабарлайды Orda.kz.

«Выход к морю» telegram-арнасының мәліметіне сүйенсек, бұл активті Нидерландтың Noord Holland Trading Company B.V. компаниясы сатып алған. Санаторий 174 млн долларға бағаланған, алайда нарықтағы әділ бағасының үштен біріне сатылған. Бұл келісім Нидерланд компаниясына ұзақ мерзімді шығындардан құтылуға және активті құпиялылығы жоғары юрисдикцияға көшіруге мүмкіндік берді.

1986 жылы кеңестік партия қызметкерлері үшін салынған «Алатау» шипажайы 90-жылдардың ортасында шаруашылық басқармадағы мемлекеттік корпорацияның бақылауына өтті. Назарбаевтың досы әрі жақын серігі Владимир Нидің туыстары бұл активтерді жекешелендірді.

2022 жылдың қаңтар айындағы оқиғалардан кейін Назарбаев өзінің кейбір активтерінен айырылды. Мысалы, Назарбаевтың Алматыдағы «Рублевка» деп аталып кеткен резиденциясы және үлкен сарай мен тікұшақ алаңдары «Астана-20» мемлекеттік қорының бақылауына өтті. Сондай-ақ, Karnell Holding офшоры басқаратын көршілес сарай мен 13 гектар жер учаскелері 2023 жылы Нидерландтық Noord Holland компаниясына өтті. Swissôtel тобы жыл сайын «Алатау» санаторийін жалға алу үшін Владимир Киммен байланысты құрылымдарға $11 млн төлеген.

Noord Holland компаниясының директоры — Назарбаевпен байланысы бар, Нидерланды мен Ресей азаматтығын алған Анна Березина. Telegram-арна мәліметінше, Березина Владимир Ким мен Эдуард Огайдың Қазақстандағы миллиардтық активтерін өз атына жазған. Лихтенштейн мен Нидерландтың заңгерлері өз клиенттеріне Еуропалық соттарда мүлікті қорғауға көмектеседі.