Нұрлан Байжігітұлы елордадағы мешітке бас имам болып тағайындалды

Нұрлан Байжігітұлы Астанадағы Ырыскелді қажы атындағы мешітке бас имам болып тағайындалды.

Нұрлан имам әлеуметтік желідегі парақшасында қуанышты жаңалығымен бөлісіп, Астана жұртшылығымен осы мешітте жүздесетінін айтты.

«Бісмілләһир-Раxманир-Раxим! Алланың қалауымен, елдің ақ тілегімен бүгін Астанамыздағы «Алланың гүлі» аталып кеткен Ырыскелді қажы атындағы мешітке бас имам боп тағайындалдым. Бұл мен үшін қуанышты жаңалық! Енді Астана жұртшылығымен және қала қонақтарымен осы мешітте жүздесеміз. Еліміз тыныш, жұртымыз аман, бірлігіміз берік, руханиятымыз тұғырлы болсын» деп жазды имам.