Нұрқожа Қайпанов еркін күрестен әлем чемпионы атанды

Албанияда өткен әлем чемпионатында 26 жастағы қазақстандық спортшы Нұрсұлтан Қайпанов 5:3 есебімен жеңіске жетіп, ел тарихында еркін күрестен екінші әлем чемпионы атанды, деп хабарлайды Orda.kz.

Шешуші жекпе-жекте Қайпановтың қарсыласы жапондық Йошиносуке Аояги болды. Спортшы 70 келіге дейінгі салмақ дәрежесінде өнер көрсетті. Бір күн бұрын ол финалға жолдама алып, бейсенбіде алтын үшін күресті.

Бұған дейін Қайпанов 2019 жылы әлем біріншілігінің күмісін жеңіп алып, екі рет Азия чемпионы атанды.

Қазақстан құрамасы турнирді үш медальмен аяқтады. Албания астанасында күміс жүлдені Жәмила Бақбергенова мен «классик» Ернат Жарылқасын жеңіп алды.