Нұрғиса Тілендиевтің жұбайы Дариға Тілендиева өмірден озды

Қазақстанның еңбек сіңірген әртісі, талантты актриса, күйші, сазгер, «Халық қаһарманы» атағына ие Нұрғиса Тілендиевтің жары – Дариға Тілендиева өмірден озды, деп хабарлайды Orda.kz.

Бұл туралы Құрманғазы атындағы Қазақ ұлттық халық аспаптар оркестрі Instagram желісінде мәлімдеді.

«Құрманғазы атындағы Қазақ ұлттық халық аспаптар оркестрі Қазақстанның еңбек сіңірген артисі, талантты актриса, күйші, сазгер, Халық қаһарманы Нұрғиса Тілендиевтің жары - Дариға Тілендиеваның өмірден озуына байланысты қайғыра көңіл айтады», деп мәлімделді әлеуметтік желіде.

Айта кетейік, Дариға Тілендиева «Алты жасар Алпамыс», «Құлагер», «Ақ машина», «Жамбылдың жастық шағы», «Қоштасқым келмейді» көркем фильмдерінің жарық көруіне себепкер болған жандардың бірі болған.