Нұра-Теміртау автожолында Audi көлігіне тиелген жылқы анықталды

Нұра — Теміртау республикалық автожолында Audi көлігіндегі жылқы анықталды, деп хабарлайды Orda.kz.

Қарағанды облысы Нұра ауданында патрульдік полиция қызметкерлері 11 желтоқсанда Нұра — Теміртау республикалық автожолында Audi көлігінде жатқан жылқыны тапты.

Көлік жүргізушісі Бұқар Жырау ауданының тұрғыны, жылқының өзінікі екенін дәлелдейтін және оны тасымалдауға қатысты ешқандай құжат ұсына алмады. Жүк пен багажды тасымалдау ережелерін бұзғаны үшін жүргізушіге әкімшілік хаттама толтырылып, іс материалдары ветеринарлық инспекцияға жолданды.

Қазіргі уақытта полиция қызметкерлері жылқының нақты иесін анықтап, жануардың ұрланған-ұрланбағанын тексеріп жатыр.