Нұр-Сұлтанда бастауыш сынып оқушылары қашықтан оқуға көшті

Елордада ауа райының нашарлауына байланысты бірінші ауысымдағы 0-4 сынып оқушылары үшін сабақ қашықтан оқыту форматына көшті.

Бұл туралы қалалық төтенше жағдайлар департаментінің баспасөз қызметі хабарлады.

«Білім басқармасының шешімі бойынша 2021 жылдың 10 ақпанында ауа райының қолайсыздығына байланысты (қатты аяз -27 С ) 1 ауысымның 0-4 сынып оқушылары үшін мектептердегі сабақтар қашықтықтан оқыту форматына көшеді».

10 ақпанда еліміздің көптеген аймақтарында жауын-шашын, тұман және боран байқалады.