Нұр-Сұлтан қаласының атауы Астана болып өзгереді

Парламент палаталарының бірлескен отырысы өтті. Депутаттар Конституцияға енгізілетін түзетулер мен толықтыруларды қарастырды.

Бұл отырыста Президенттің өкілеттік мерзімін 1 рет 7 жылға сайлаумен шектеу және Астана атауын өзгерту мәселесі талқыланды.

Парламент Қазақстан Конституциясына түзетулерді қабылдады. Олар президенттің қол қоюына жіберіледі. Парламент палаталарының бірлескен отырысында депутаттар елорданың бұрынғы атауын қайтару жобасын бірден екі оқылымда мақұлдады. Олар сондай-ақ президенттік мерзімді өзгерту туралы конституциялық түзетулер жобасын қолдады.

Әділет министрі Қанат Мусин Конституцияның бес бабына түзетулер енгізетін ҚР Конституциясына өзгерістер мен толықтырулар енгізу туралы заң жобасын ұсынды.

Қазақстандағы президенттік мерзім бес жылдан жеті жылға дейін ұлғаяды, ал сайлану құқығы бір мерзімге дейін қысқарады. Қанат Мусин президенттің өкілеттік мерзімі мен қайта сайлауға қатысты конституция енді өзгертілмейтінін айтты.