Әнші Jah Khalib Қазақстанда технологиялық мектептер салғысы келеді

Jah Khalib деген атпен өнер көрсетіп жүрген қазақстандық рэпер Бақтияр Мамедов Қазақстанда жалпы құны шамамен 14 млн доллар (5,95 млрд теңге) болатын заманауи мектептер салу жоспарымен бөлісті.

Бұл туралы Orda.kz хабарлады.

Хип-хоп әртісі YouTube желісіндегі Fametime TV каналына Лаура Джугелиямен сұхбатында өз жоспарымен бөлісті.

– Мен көп мектеп салғым келеді, шамамен 14. Бізде 14 аймақ бар, менің де ойымда 14 ауыл бар. Жоғары технологиялық мектептер салғым келеді. Әрқайсысының құны 800 мың - 1 млн доллар болады (1 млн доллар, шамамен 425 млн теңге), - деді Мамедов Джугелиямен рэпердің оқыған мектебіне экскурсия кезінде.

Ол қазір жоспарды жүзеге асыру үшін ақша жинап жатқанын айтты.

– Мен мұны шамамен 40 жасымда іске асырамын. Шамамен оған қалай жетуге болатынын білемін, - деді Бақтияр.

Jah Khalib-тің айтуынша, ауылдағы балалар қалалықтарға қарағанда білімге құштар болып келеді. Сондықтан да мектептер ауылдарда салынады.

Айта кетсек, әнші мектепті серіктестермен бірге салуды жоспарлап отыр.