Новороссийскіге ұшқышсыз шабуыл: Қазақстан мұнайының экспортына қауіп төніп тұр ма?

17 мамырға қараған түні Ресей Новороссийск теңіз портына украиндық ұшқышсыз ұшақтар шабуыл жасады. Новороссийск теңіз порты аймағында қазақстандық мұнайды экспорттайтын Каспий құбыр консорциумының (КҚК) нысандары орналасқан.

Ресейлік басылымдардың хабарлауынша, 17 мамырға қараған түні Новороссийскіге «ондаған ұшқышсыз ұшақтар» шабуыл жасаған. «Новые известия» Краснодар өлкесінің губернаторы Вениамин Кондратьевке сілтеме жасап, құлаған ұшқышсыз ұшақтардың қалдықтары өртке себеп болды, «мұнай базасы мен теңіз порты зардап шекті» деп РБК хабарлайды.

КҚК терминалы Новороссийск қаласында орналасқан, ол арқылы қазақстандық мұнай тасымалданады. ҚР Энергетика министрлігі консорциум нысандарына ұшқышсыз ұшақтармен шабуыл жасалмағанына және әдеттегідей жұмыс істеп тұрғанына сендіруге асықты.

«КҚК нысандары Новороссийск теңіз порты жерінен бөлек орналасқан. Қазір барлық КТК нысандары қалыпты режимде жұмыс істеп тұр»,-  деді Энергетика министрлігінің ресми өкілі Шыңғыс Ілиясов.