Нотариус Шымкент тұрғындарын 47 миллион теңгеге алдап кеткен

Шымкентте жеке нотариус клиенттердің қалтасын үптеп кеткен.

Бұл туралы қалалық прокуратураның баспасөз қызметі хабарлады.

Белгілі болғандай, «А» жеке нотариусы несие немесе кепіл шартын жасаудың орнына сатып алу-сату шарттарын бірнеше рет жасап, куәландырған.

«Кейіннен ол қылмыстық іс бойынша 9 жәбірленушіге 47 миллион теңге көлеміндегі залал келтіріп, үшінші тұлғаларға меншік құқығын қамтамасыз етіп, Шымкент қаласының әділет органдарына заңсыз тіркеуге жіберген» деп хабарлады ведомствоның баспасөз қызметі.

Нәтижесінде нотариус төрт жылға сотталды. Оның сыбайластары да бас бостандығынан айырылды.

«Шымкент тұрғындарын нотариустардың қатысуымен жылжымайтын мүлікке құжаттарды рәсімдеу кезінде абай болуды, қажет болған жағдайда адвокаттармен кеңесуді сұраймыз» деп хабарлады Шымкент қаласы прокуратурасының баспасөз қызметі.