Нью-Йоркте БҰҰ Қауіпсіздік Кеңесінің ДХР мен ЛХР  бойынша отырысы өтеді

22 ақпан күні таңертең Нью-Йоркте БҰҰ Қауіпсіздік кеңесінің шұғыл отырысы басталды. Кездесу Путиннің ЛХР мен ДХР тәуелсіздігін тану туралы жарлығына қол қойғаннан кейін қолға алынды.

Біріккен Ұлттар Ұйымының мәліметі бойынша, жиналысты шұғыл түрде өткізу туралы өтініштер АҚШ, Франция, Ұлыбритания, Норвегия, Ирландия, Албания және Мексикадан түскен. Кездесуге Украина да шақырылды, деді түнде президент Владимир Зеленский.

Сонымен қатар, Зеленский бұл мәселені ЕҚЫҰ және «норманд форматы» деп аталатын форматта талқылауға бастамашы болғанын айтты.

21 ақпан күні кешке Владимир Путин мойындалмаған Донецк және Луганск республикаларының тәуелсіздігін тану туралы жарлыққа қол қойғаннан кейін дүние жүзі елдерінен бірден реакция болды. Бірнеше елдің өкілдері Ресейдің мұндай әрекетін бірден айыптады. АҚШ пен Ұлыбритания санкция салғанын жариялады.