Нью-Йоркке қоныс аударған қазақстандық АҚШ жекпе-жегінде жеңіске жетті

Нью-Йоркте полицей болып жұмыс істейтін 32 жастағы қазақстандық Димаш Ниязов 29 жастағы аргентиналық Джонатан Годойды жеңді.

Жеңіл салмақтағы кездесу Майамидегі бокс кешінде ұйымдастырылды. Сайыс жоспары бойынша көзделген алты раунд түгелдей өтті. Нәтижесінде Ниязов жеңіске жетіп, оның жеңісі бірауыздан мақұлданды.

Бұл Димаштың 2017 жылдан кейінгі алғашқы жеңісі. 2017 жылға дейін де ол 14 рет жекпе-жекте жеңіске жеткен болатын.

Боксшы осының алдындағы жұдырықтасуда жеңіліп, көпке дейін рингке шықпады. Ол денсаулығына байланысты омыртқааралық сақиналарын емдеткен. Одан кейін пандемия салдарынан біраз уақыт шаршы алаңға шығуға мүмкіндігі болмаған.

Негізі Ниязов Шымкентте дүниеге келген, бірақ бала кезінде отбасылық жағдайымен АҚШ-қа қоныс аударған.