Никки Хейли президенттік сайлауға түспейді

Оңтүстік Каролина штатының бұрынғы губернаторы және АҚШ-тың БҰҰ-дағы бұрынғы тұрақты өкілі Никки Хейли Республикалық партияның президенттігіне кандидатура үшін бәсекеге түспейді және ресми түрде кандидатурасын алып тастайды.

АҚШ-тағы «Супер сейсенбінің» қорытындысы бойынша ол айтарлықтай нәтижеге қол жеткізбеді және Вермонт штатында аз ғана басымдықпен жеңе алды.

Бұған дейін әртүрлі штаттардағы сауалнамалар Оңтүстік Каролинаның экс-губернаторының дауыс саны бойынша Трампты басып озып, Байденді жеңуі ықтимал екенін көрсетті.

Хейли праймеризде жеңілген жалғыз қалған қарсыласы Дональд Трампты қолдамады және қараша айында өтетін жалпы сайлауда республикашыл және тәуелсіз сайлаушыларды оны қолдауға сендіру керек дейді.

«Мен әрқашан консерватор, Республикалық партияның мүшесі болдым және әрқашан Республикалық кандидатты қолдадым. Бірақ бұл жағдайда, басқалар сияқты, Маргарет Тэтчер жақсы кеңес берді. Оның сөзін келтірейін: «Ешқашан көпшілікке ермеңіз, әрқашан өзіңіз шешім қабылдаңыз». Енді Дональд Трампқа оны қолдамағандар ғана емес, біздің партия мүшелерінің де дауысын алуға тура келеді. Ол мұны істейді деп үміттенемін» деді Никки Хейли.