Netflix апта сайын жаңа фильм шығаруға уәде берді

Netflix 2021 жылы апта сайын жаңа фильм шығаруға уәде берді, деп хабарлайды ORDA. РИА Новости-ге сілтеме жасап.

«Netflix сізге апта сайын бірнеше жұлдыздардың қатысуымен жаңа фильм ұсынады», - делінген компанияның сайтында.

Компанияның жаңа фильмдерінің қатарында Зак Снайдердің «Өлгендер армиясы», Паоло Соррентиноның «Құдайдың қолы», Адам МакКейдің «Жоғарыға қарамаңыз», Галле Берридің «Көгергендері», Сэм Левинсонның «Малколм мен Мари», Джейн Кэмпионның «Иттің күші» және басқа фильмдері бар.

Жарияланған фильмдерде пайда болатын жұлдыздардың арасында Леонардо Ди Каприо, Дуэйн Джонсон, Зендая, Идрис Эльба, Гал Гадот, Райан Рейнольдс, Мерил Стрип, Джейк Джилленхол кездеседі.

Жалпы, Netflix биыл 70 жаңа фильм шығаруды жоспарлап отыр.