Несіпбек Айтұлы Тасмағамбетовтың жасаған жақсылығы туралы айтты
Ақын Несіпбек Айтұлы Иманғали Тасмағамбетовтың арқасында елордаға көшіп, үйлі болғанын айтты.
Оның айтуынша, Тасмағамбетов кезінде зиялы қауым өкілдеріне барынша көмектескен. Бұл туралы Айтұлы Нартай Аралбайұлына берген сұхбатында тілге тиек етті.
«Соның бірі - мен. Иманғалидің үйсіз-күйсіздерге, талантты адамдарға жасаған жақсылығы ұшан-теңіз. Оны біз ұмытпаймыз. Әсіресе зиялы қауым Иманғалиді жақсы көреді.
Алматыда жүрген кезінен, бала кезінен білетінмін» деді Несіпбек Айтұлы.
Несіпбек Айтұлы Тасмағамбетовпен 2001 жылы Жазушылар одағында кездескенін еске алды. Бірнеше секундтық диалог кезінде Тасмағамбетов оны елордаға шақыртқан.
«Ол кезде «Жұлдыз» журналында істейтінмін. Жағдайымыз қиын болды. Жүрсін (Ерман) екеуміз таксовать ететінбіз. Журналдан алатынымыз 6-ақ мың теңге.
Жиналыстан шығып келе жатыр едім, 3-4 қыз-келіншек Иманғалиді жібермей, ұстап тұр екен. Топтан шығып кеткісі келді ме: «Аға, тұра тұрыңыз» деді. Сәлемдестік. Хәлімді сұрап:
- Астанаға келмейсіз бе? - деді.
- Астанаға мені кім шақырыпты?
- Мен шақырып тұрмын.
- Шақырсаң, барайын.
- Жапонияға ұшып бара жатырмын. Сәуірдің 17-сі күні Астанада боламын, таңертең кабинетіме келіңіз, - деді. Бұл шамамен сәуірдің 9-10 болуы керек. Болды. Бар әңгіме осы» деді ақын.
Ол белгіленген күні елордаға келіп, бірден Тасмағамбетовтың қабылдауына кірген.
- Неден бастаймыз? - деді.
- Шақырған өзің. Қызмет тауып бер, - дедім.
Телефонды алды да: «Мырзатайға (Жолдасбеков) звондайын. Зиялы қауым соның айналасына жиналып жатыр» деді.
Имеке, мен ол кісінің шәкіртімін. Сізге хабарластырып отырғаным ұят болар. Өзім-ақ барамын деп кеттім» дейді Айтұлы.
Осылайша ақын Мырзатай Жолдасбеков пен Сұлтанғали Садырбаевтың көмегімен газетке қызметке тұрған. Көп ұзамай жатақханадан орын берілген. Сөйтіп екі жыл өте шыққан. Осы уақыт ішінде Тасмағамбетов Алматыға әкім болып келген.
Астананың бұрынғы әкімі Шөкеев үй беруге уәде бергенімен, сөзінде тұрмаса керек. Несіпбек Айтұлы Тасмағамбетовке қайта хабарласқан.
«Осы Абай 1 көшесінде төрт бөлмелі үйді алып берді. Ақшасын төледі, мен өзім сатып алғандай қол қойып алдым. Осыдан басқа үй алған емеспін. Имекең қалтасынан төлеп, алып берді. Ол жақсылығын ұмытпаймын» дейді ақын.
Жаңалықтар
- Грузия 1 маусымнан бастап туристер үшін кіру шарттарын өзгертеді
- Шымкент әкімі Ұлы Отан соғысы ардагерлеріне пәтер сыйлады
- Армения ҰҚШҰ-ның мүшесі болып қала береді – БАҚ
- Сирия Қорғаныс министрлігі Израильдің Дамаскке соққы бергенін хабарлады
- Катар Шығыс Қазақстанда су электр станциясын салуы мүмкін
- Бюджет шығыстарының төрттен бірі мемлекеттік қарызды өтеуге жұмсалады
- Су тасқынының екінші толқыны екі облыста жалғасуда
- Қазақстан әйелдер денсаулығының әлемдік рейтингінде Ұлыбритания, Франция және Ресейден алда
- Астанада рейд кезінде тәркіленген 10 тонна насыбай өртенді
- Құлсарыда тәулігіне 70 мың текше метр су сорылды
- Жоғары Еуразиялық экономикалық кеңестің мерейтойлық саммитіндегі Тоқаевтың сөзі
- Жастар арасындағы Азия чемпионатында қазақ боксшылары 14 алтын медаль жеңіп алды
- 1 маусымда Алматыда орташа жол жөндеу жұмыстары басталады
- Беларусьте тактикалық ядролық қару сынақтан өтеді
- Қырғызстан Қазақстанға транзиттік тәуелділігін азайтпақ
- Батырдың жүз жылдығына орай Астана мектебіне Рақымжан Қошқарбаевтың есімі берілді
- Jusan Bank-тің жай акцияларының иелері дивиденд алмайды
- Голан төбесінде Қазақстан туы желбіреді
- Қырғызстан мен Тәжікстан шекарасында атыс: зардап шеккендер бар
- Тоқаев «Отан Ана» мемориалына гүл шоқтарын қойып, ардагерлерді Жеңіс күнімен құттықтады