Несиесін төлей алмай жүрген азаматтарға арналған заң шығады

Несиесін төлей алмай жүрген азаматтарға қатысты жаңа заң шығады. Оның басты мақсаты – азаматтарды жалғыз баспанасынан айырмау.

 «Астана» телеарнасының мәліметіне сәйкес, үкімет басшысы Әлихан Смайылов «Азаматтардың төлем қабілеттілігін қалпына келтіру және банкроттығы туралы» заң жобасын енгізуді ұсынды. Аталған құжат 4 ақпанға дейін дайындалуы мүмкін.

Заң жобасында жеке тұлғалардың банкроттық рәсімдерінің түрлері, оларды қолдану негіздері және басқа да ережелер қарастырылған. 18 заңнамалық актіге – 7 Кодекс пен 11 Заңға түзету енгізу жоспарланған, - делінген хабарламада.

Заң жобасында жеке азаматтардың банкроттық рәсімдерінің түрлері, оларды қолдану негіздері қарастырылған. Премьер-министр жобаны талқылауға жұртшылық пен сарапшыларды тартуды талап етті.