Неліктен Дикий Арман түрмеде өз-өзіне қол жұмсамақ болды?

Арман Жұмагелдиевтің (Дикий Арманның) қорғаушылары Қостанайдағы тергеу изоляторында не болғаны туралы жауап берді, деп хабарлайды Orda.kz.

Адвокат Елена Жигалёноктың сөзінше, Жұмагелдиевке адвокат жіберілді. Сондай-ақ, кесілген жерін дәрігерлер қайта тікті. Арманның денсаулығы қазір бірқалыпты.

Адвокат оның құқығы еленбегеніне наразы болып, осындай әрекетке барғанын айтты.

«Ол озбырлыққа және оның құқықтарының бұзылуына наразылық ретінде өз тамырын кесіп тастады. Жалпақ тілмен айтқанда, құқығынан айырылған тұтқындарды жан-жақтағы мекемелерге таратып жібергенін білесіздер. Бұл қорғау құқығын өрескел бұзу, өйткені үкім әлі заңды күшіне енген жоқ», – деді Жигалёнок. 

Сот ісіне дейін айыпталушыларға отбасымен және адвокатымен сөйлесуге мүмкіндік болмады.

«Аппеляцияға қалай дайындалып жатырмыз? Біз өтініш жасадық, бұндай заңсыз бұйрықтарды кім бергенін нақты білгіміз келеді. Кейін оларға шағымданамыз». 

Бұл іс бойынша тағы бір сотталушы – ҰҚК бесінші департаменттің бұрынғы басшысы Руслан Ысқақов Көкшетау тергеу изоляторында аштық жариялады. Бұл туралы оның қорғаушысы Евгений Яворский хабарлады. 

Алайда Ысқақовтың адвокаты оған бара алмаған, сондықтан аштықтың себебі әлі белгісіз.