Неліктен блогерлерді вакциналау насихатына тартуға болмайды

PR-шы Ринат Балғабаев блогерлерді вакциналауды насихаттауға тартуға болмайды деп санайды.

Толығырақ Orda.kz сайтында.

Жұлдыздардың, блогерлердің және «халық сүйіктілерінің» вакциналауға шақырудағы жауапкершілігі туралы айта отырып, этика туралы ұмытпау керек, деді Ринат Балғабаев Qasqa Jol YouTube арнасындағы сұхбатында.

— Мен басқа блогерлерді вакциналауға шақырмаймын. Бұл менің этикам. Бұндай жауапкершілікті мен ешкімге жүктей алмаймын. Менің аудиториям шағын болғанымен, оларға әсер ете алатынымды білемін. Сауабы бар болса ғана әсер етуге дайынмын. Біреулер насихаттың арғы жағын ойламайды. Бұл пайда әкеле ме, зиянын тизіге ме дегенді ойламай ақшанын артынан жүгіреді. Вакциналауды насихаттап жүрген блогерлердің көп бөлігі тіпті өздері вакцина салдырмаған. Кейбіреулері салдырса да аудиториясына айтпайды. Мұндай оқиғалар да бар, - деп бөлісті блогер.

Сондай-ақ, ол денсаулық сақтау министрінің блогерлер мен жұлдыздар арқылы вакциналауды насихаттау туралы мәлімдемесіне қатысты өз көзқарасын білдірді.

— Менің министрге өкпем бар. Ол блогерлер мен жұлдыздарды вакциналауды насихаттауға тартатынын айтты. Не үшін? Менің білуімше, ешкім ешкімге ақша төлемеген. Бұл 100 пайыз. Өткен жылдың 16 наурызынан бастап мен бетперде киіп жүрдім, әрі бетперде киген алғашқы блогер болдым. Бұл үшін маған ешкім бір тиын төлеген жоқ. Оқиғаға қалыпты көзқарасты насихаттау, менің азаматтық ұстанымым болды. Енді министрдің мәлімдемесі мұны тегін жасайтын адамдарды жексұрын етіп көрсетеді. Министр вакциналау жүйесіне күмән келтіреді. Мысалы, басқа адамдар: «Мен сенің нұрбот екеніңді білмедім» деп жазады. Ондайда қолыңды сілтей саласын, - деді Ринат Балғабаев.

Көп адам екпеден діни көрқарасқа байланысты бас тартты.

— Дін тыйым салғандықтан емес. Адамдар вакцинаның харам еместігіне көз жеткізбей, оны салдырмайды. Дін қайраткерлері жұлдыздар мен атақты адамдарға қарағанда көбірек жауапкершілікке ие. Қазақстандық вакцинаны салдыруға уәде берген, бірақ спутникпен егілген Президент өз сөздерінің салмағын көрсетті, – деп қосты Ринат.

Аударған: Мұхит Тұрсынәлі