Негізсіз ұсталған 6 млн теңге салық қайтарылды

Қостанай облысының прокуратура қызметкерлері салық заңнамасының сақталуын талдау барысында жеке табыс салығын төлеуден босатылған адамдардан заңсыз ұстап қалу фактілерін анықтады,  деп хабарлайды Қостанай прокуратурасының баспасөз қызметі.

Прокурорлар жұмыс берушілердің 54 адамнан 6 млн теңге салық ұстағанын анықтады. Нәтижесінде негізсіз ұсталған қаражат қайтарылды. Салық кодексінің 346 бабына сәйкес мұндай санатқа мыналар жатады:

- мүгедек баланың ата-аналары, қамқоршылары.

- бала кезінен мүгедектігі бар адамның ата-аналары, қамқоршылары.

- бала асырап алушылардың бірі.

- жетім балалар мен ата-анасының қамқорлығынсыз қалған балаларды патронаттық отбасына қабылдаған ата-аналардың бірі.