Кадр тапшы болғандықтан, әскерге барлығы кетіп жатыр - психолог

Жақында желіде әскерге шақырылған сарбаздың айқайлап, барынша қашуға тырысқан видеосы тарады. Психологтар жігіттің жағдайын зерттеді.

Бұл туралы Orda.kz Астана телеарнасына сілтеме жасап хабарлады.

Белгілі болғандай, видеоның кейіпкері ҰҚК шекара әскерлерінің 18 жастағы сарбазы болған. Ол әскерге бір ай бұрын шақырылған. Видеоны зерттеген психологтар жігіттің қызметке жарамсыз және ем қабылдауы керек екеніне сенімді. Оның медициналық тексеруден қалай өткені белгісіз.

– Медициналық қызметкерлер оны тексеру керек. Әскери қызметке жігіттер іріктеліп, өтуі керек. Келген бойда тексерістен өтуі керек. Оны психиатр бақылауы керек. Бұл кадрлардың 100% жетіспеушілігі. Мұны бақылайтын мамандар жоқ. Қазір Қазақстанда кадр мен қызметкерлер тапшылығы бар. Сондықтан, әскерге барлығын алып жатыр. Тіпті жарамсыздары да әскери қызметке тартылып жатыр, - деді психолог Владислав Смирнов.

Ұлттық қауіпсіздік комитеті бұл оқиғаға қатысты әлі түсініктеме берген жоқ. Ал Қорғаныс министрлігі жергілікті әкімдіктердің іріктеу комиссиялары сарбаздарды іріктеуге жауапты екенін түсіндірді. Бұл факт бойынша ресми тыңдау тағайындалатыны хабарланды.