«Неге өсе береді?»: Доллардың ресми бағамы 500 теңгеден асты

Валюта айырбастау пунктерінде бірнеше күн бойы америкалық валюта 500 теңгеден сатылып жатқаннан кейін, қор биржасында да доллардың бағамы жоғарылап жатыр, деп хабарлайды Orda.kz.

Қазақстан қор биржасындағы (KASE) 27 қарашадағы USD/KZT жұбы бойынша күндізгі сауда ресми түрде 500,42 теңгемен жабылды (+1,84 теңге күн ішінде).

Ал Ұлттық банк бекіткен ресми доллар бағамы 27 қарашада одан төменірек: 498,55 теңге болды. Түсте KASE-де долларды 499,51 теңгемен саудаланған. Ал ең жоғары сатылған  америкалық валютаның бағасы биржада 502,45 теңгеге жетті.

Алматы, Астана және Қазақстанның басқа қалаларындағы айырбастау пунктерінде доллар бір аптадан астам уақыт бойы 500 теңге немесе одан жоғары бағада сатылып жатыр. 18 қарашада Астанада доллар 500 теңгеден, Алматыда 499,5 теңгеден сатып алынған.

2024 жылдың 19 қарашасында Қазақстан Ұлттық Банкі ұлттық валютаны қолдау үшін шара қабылдағанын жариялады. Соған сәйкес, «Қазмұнайгаз» және «Қазатомпром» секілді мемлекеттік компаниялардың экспорттаушылары валюталық түсімдерінің жартысын сату міндеттемесін алды.

Алайда теңгенің әлсіреуіне бірнеше ішкі және сыртқы факторлар әсер етіп отыр. Олар: әлемдік нарықтағы доллардың нығаюы, мұнай бағасының төмендеуі және мемлекеттік бюджет тапшылығына қатысты қаржылық қиындықтар.