Неге қазақ әндері әлеуметтік желілерден жоғалып кетті?

Бірталай қазақстандық әншілердің әндері Instagram мен Facebook желілерінен жоғалып кетті. Бұған Meta корпорациясы мен музыкалық шығармалар құқықтарын қорғайтын Қазақстан авторлық қоғамы арасындағы дау себеп болған, деп хабарлайды Orda.kz Currenttime сайтына сілтеме жасап.

Қоғам өкілдерінің мәліметіне қарасақ, Meta авторлардың әндерін пайдаланғаны үшін жеткілікті көлемде қаржы төлемеген. Серіктестік шарттарын келісерде туындаған мәселе үшін көптеген музыкалық контент шектелді.

Енді қоғам өкілдері Meta компаниясымен келіссөздерді жалғастырып жатқанын және әндердің қайтадан қолжетімді болатынына үміттенетіндерін айтты. Алайда, мәселенің қашан шешілетіні нақты белгісіз.