Неге демалыс күндері Алтын ордада адамдар көп жиналды?

Алматы облысының санитарлық-эпидемиологиялық бақылау департаменті өткен демалыс күндері «Алтын Орда» базарындағы жаппай халықтың жиналғанына қатысты түсініктеме берді.

Бұл туралы Orda.kz хабарлады.

Департаменттің айтуынша, базарға жұмыс істеуге рұқсат берілген, себебі ол Ashyq жобасының лидері болып келеді.

– ҚР Бас мемлекеттік санитарлық дәрігерінің №33 қаулысының 5-қосымшасының 6-тармақшасы негізінде «қызыл» аймақтағы Ashyq лидері мәртебесін алған жобаға қатысушыға «сары» аймақ жағдайында жұмыс істеуге рұқсат түріндегі артықшылық беріледі, - деп түсіндірді департаментте.

Осыған байланысты, демалыс күндері:

• Қарасай өңірінде AGRO LAND CO ЖШС, HOME MART ЖШС, MIAMI SPA ЖШС EMC PLUS ЖШС (EEMSI PLUS), FUNKY WORLD ЖШС және Altyn Orda QazTrade LTD ЖШС;
• Алматы облысы, Қарасай ауданы;
• Іргелі ауылдық округі;
• Алматы - Бішкек тас жолы қызметіне рұқсат берілген.

Департамент Алматы облысының бас санитарлық дәрігері осы қаулыны басшылыққа алатынын және «сары» аймақтағы жобаға қатысушыларға карантиндік шараларды қатаңдату туралы шешім қабылдауға құқығы жоқ екенін қосты.

– Маска режиміне келетін болсақ, бізде жұмысқа рұқсат болды, бірақ әкімдіктердің жанындағы бақылау топтары карантиндік режимді сақтауға жауап береді, - деп қорытындылады Алматы облысының санитарлық-эпидемиологиялық бақылау департаменті.

Еске салсақ, әлеуметтік желілерде «Алтын Орда» базары маңындағы өткелдің жанында адамдардың көп жиналғаны бейнеленген фото пайда болған. Белгілі болғандай, ата-аналар балаларына мектеп формасын сатып алуға барған.

Білім министрлігі 2021-2022 оқу жылында қазақстандық мектеп оқушыларының мектеп формасын міндетті түрде киюден босатылатынын хабарлады. Форманы тек өз қалауымен киюге рұқсат етілген.