Неге Қазақстан Қысқы Олимпиада ойындарында жүлде алмады?

Қысқы Олимпиада ойындарының кейбір түрлері бойынша жарыс аяқталды. Қазақстан басты жарыстарда жүлдесіз қалды.

Фристайл-акробатшы Ақмаржан Қалмұрзаева КТК телеарнасына барынша тырысқанын айтқан.

«Біз бар күшімізді салдық, нәтиже көрсету үшін тырыстық, бірақ кейін шамадан тыс күш салғанымызды білдік. Себебі біздің жылдамдығымыз қажетті нормадан асып кеткен. Екінші талпыныста күшімізді жинай алдық. Дегенмен бұл да оңайға соққан жоқ» деді Ақмаржан Қалмұрзаева. 

Ал шаңғышылар Надежда Степашкина мен Ксения Шальгина мәреге 10-шы болып жетті. Олар келесі айналымға өте алмады.

Шорт-трекші Ольга Тихонова төртінші орын алып, ереже бұзғаны үшін жартылай финалға жолдама ала алмады.

Ұлттық Олимпиада комитетінің спортшылар нәтижесіне көңілдері толып отыр. 2018 жылға қарағанда ілгеліреу бар деп сендіруде.

Жаттықтырушылар «ұлттық команданың болашағы бар» дейді.

«Қысқы спорт түрлерінің келешегі бар. Бірақ солтүстік облыстарда жақсы мүмкіндік болғанымен, қысқы спорт дамымай жатыр. Біздің спортшылардың артында үздік болғысы келетін жастар тұруы керек. Бәсеке болмаса нәтиже де болмайды» дейді Ұлттық Олимпиада комитеті спорт дирекциясының директоры Елсияр Қанағатов.