Үндістаннан  ұшырылған зымыран Пәкістанға  құлады

Үндістанның Қорғаныс министрлігі зымыран техникалық ақауға байланысты кездейсоқ Пәкістанға қарай атылғанын хабарлады.

 «2022 жылдың 9 наурызында жоспарлы техникалық қызмет көрсету кезінде техникалық ақаулық зымыранның кездейсоқ ұшырылуына әкелді. Үндістан үкіметі байыпты ұстанымға ие болып, жоғары деңгейдегі тергеу сотын құруға бұйрық берді. Зымыранның  Пәкістан аймағына құлағаны белгілі болды »  делінген Үндістан қорғаныс министрлігі таратқан хабарламада.

Ведомство бұл оқиғаның өте өкінішті  екенін атап өтті. Сонымен бірге, үнді тарапы оқиға салдарынан ешкімнің мерт болмағанына қуаныш білдірді.