Үндістанда қос мутациялы коронавирустың жаңа штаммы табылды

Үндістанның денсаулық сақтау министрлігі елде коронавирустың қос мутациясы бар жаңа штамм табылғанын хабарлады.

Бұл туралы Orda.kz ТАСС-қа сілтеме жасап хабарлады.

– Үндістанда коронавирустың және қос мутация штаммының әртүрлі нұсқалары анықталғанымен, олар кейбір штаттарда инфекциялардың көбеюімен тікелей байланыс орнатуға немесе түсіндіруге жеткілікті мөлшерде табылған жоқ,- деді министрлік.

Үндістанда коронавирусты жұқтырған адамдар саны 11 734 058-ге жетті. Ел коронавирусты жұқтырғандар саны бойынша әлемде АҚШ пен Бразилиядан кейін үшінші орында. Өлім саны бойынша АҚШ, Бразилия мен Мексикадан кейін төртінші орында.

Бұған дейін Үндістанның медициналық зерттеулер кеңесі елде коронавирустың аса қауіпті Оңтүстік Африка және Бразилия нұсқаларын жұқтыру жағдайларын анықталғанын айтқан.