Үндістанда 70 жастағы зейнеткер тұңғышын дүниеге әкелді

Үндістанда 70 жастағы зейнеткер тұңғыш нәрестесін туды. Әйел адам әлем бойынша ең кеш босанған қарт ана атанды.

Бұл туралы Orda.kz Mirror басылымына сілтеме жасап хабарлайды.

70 жастағы Дживунбен Рабари және оның 75 жастағы күйеуі Мальдхаридің некеге тұрғандарына 45 жыл болды. Олар ұзақ уақыт бойы бала көтеруге тырысқандарын, бірақ әрекеттері сәтсіз болғанын айтты. Нәтижесінде Дживунбен ЭКҰ көмегімен жүкті бола алды. Нәресте 2021 жылы дүниеге келді.

Ерлі-зайыптылар жасанды ұрықтандыру қызметіне жүгінген доктор Нареш Бханушали журналистерге алдымен олардың идеясын күмәнмен қабылдағанын айтты.

– Олар бізге ауруханаға алғаш келгенде, біз олардың жасына байланысты енді ата-ана бола алмайтындықтарын айтқанбыз, – деді дәрігер.