Коронавирустың «дельта штамын» жұқтырғандар көбейді

Алматыда өткен тәулікте «дельта штамын» жұқтырған 36 адам анықталды.

Бұл туралы Orda.kz хабарлайды.

Алматы қаласы санитарлық-эпидемиологиялық бақылау департаментінің мәліметінше, кейінгі тәулікте коронавирустың «дельта штамын» жұқтыру жағдайы көбейген.

Өткен тәулікте Алматыда мутацияланған штамдарға байланысты 46 сынама зерттелді. Олардың 36-нан «дельта-штамы» анықталды.

Еске салайық, Нұр-Сұлтан мен Алматыда «дельта штамының» («үнділік» COVID-19 штамы) болуы мүмкін екендігі айтылған еді. Мутацияның болуы түпкілікті растау үлгілердің геномдық тізбегі аяқталғаннан кейін анықталады.