NCOC Қашағанда мұнай төгілуін жоққа шығарады

North Caspian Operating Company N.V (NCOC) Қашағанда мұнай төгілуін жоққа шығарады.

Бұл туралы компанияның баспасөз қызметі хабарлады.

«30 наурызда сағат 7.43 (GMT+5) немесе 2.43 (UTC) кезінде Қашаған кен орнының теңіз кешенінде мұнайдың, ағынды сулардың немесе басқа сұйықтықтардың ағып кетуі туралы болжамды ақпарат расталмады. 2024 жылғы 30 наурызда SENTINEL-1A және 2024 жылғы 2 сәуірде TerraSAR-X жерсеріктерінен түсірілген суреттерге сәйкес Солтүстік Каспий теңізінде, оның ішінде Қашаған кен орнының D аралының солтүстігіндегі шағын ауданда табиғи құбылыс байқалды» деп хабарлайды NCOC.

Атап өткендей, «кейінгі күндері түсірілген басқа фотосуреттерде мұндай құбылыстар болған жоқ».

«Д аралының жанындағы басылымда көрсетілген аумақ тексерілді және ешқандай төгілу немесе ағып кету табылмады. NCOC-тың теңіздегі нысандары қалыпты жұмыс істеп тұр» делінген хабарламада.

Еске салайық, бұған дейін «Глобус» экологиялық-құқықтық бастама орталығының атқарушы директоры Галина Чернова Қашағанда ауданы шамамен 7 шаршы метр болатын мұнай дақтарының бар екенін хабарлаған.