Назым Қызайбай әлем чемпионатының жартылай финалына өтті

Қазақстан әйелдер құрамасының көшбасшысы Назым Қызайбай Ливерпульде (Ұлыбритания) өтіп жатқан әлем чемпионатының жартылай финалына өтті, деп хабарлайды Orda.kz.

Назым Қызайбай 48 келіге дейінгі салмақта шаршы алаңға шығып, бағын сынап жатыр. 

Ширек финалда отандасымыз украиналық Анна Охотамен қолғап түйістірді.

Назым Қызайбай алғашқы раундтан-ақ ауыр соққылармен қарсыласын есеңгіретіп жіберді. Нәтижесінже еш қиындықсыз 5:0 есебімен жеңіске жетті.

Осылайша, Назым Қызайбай (48 келіге дейін) әлем чемпионатында кем дегенде қола медаль алады.

Еске сала кетсек, бұған дейін Айбек Оралбай әлем чемпионатының жартылай финалына өткен болатын.