Назарбаевтың немере інісі Қайрат Сатыбалды 6 жылға бас бостандығынан айырылды

Қазақстанның бұрынғы президенті Нұрсұлтан Назарбаевтың немере інісі Қайрат Сатыбалды 6 жылға бас бостандығынан айырылды.

Нұрсұлтан Назарбаевтың немере інісі Қайрат Сатыбалды алты жылға орташа қауіпсіздіктегі колонияға жіберіледі. Ол миллиардтаған доллар жымқырғанын мойындады.

Сатыбалдыұлы 28-баптың 3-бөлігі,189-баптың 4-бөлігінің 2-тармағы; 195-баптың 4-бөлігінің 2-тармағымен кінәлі деп танылды.

– Қайрат Сатыбалдыұлының мүлкі тәркіленіп, 10 жыл мерзімге белгілі бір лауазымдарды атқару құқығынан айырумен алты жылға бас бостандығынан айырылсын, – деді Астана қаласы Байқоңыр ауданының №2 сотының судьясы Нұрлан Баяхметов.

Сатыбалдыұлын ұлттық қауіпсіздік органдарының генерал-майоры атағынан, сондай-ақ «Құрмет» және «Парасат» ордендерінен айыру туралы Президентке ұсыныс енгізілсін.

Ол жазасын қылмыстық-атқару жүйесінің қауіпсіздігі орташа мекемесінде өтейді.

Сатыбалды «Қазақтелеком» АҚ мен «ЦТС» АҚ-да аса ірі көлемде қаржы жымқырғаны үшін сотталды. Ол 6 жылға бас бостандығынан айыру жазасын орташа режимдегі түзеу колониясында өтеу жазасына кесілді. Сондай-ақ, ол 10 жыл бойы мемлекеттік қызметте жұмыс істей алмайды.

Прокурор Жангелді Есебаев Сатыбалдыны алты жылға бас бостандығынан айыруды сұрады. Сатыбалдыны «Құрмет», «Парасат» ордендерінен айыруды да талап етті.