Назарбаевтың Маргарет Тэтчерге сыйлаған орденін 8 млн-ға сатқалы жатыр

Экс-премьер-министр Маргарет Тэтчерге берілген Қазақстан ордені  британдық Peter Harrington  антиквариат сайтында сатылымға шығарылды. Қазақстанның бұрынғы президенті Нұрсұлтан Назарбаев Тэтчерге Қазақстан мен Ұлыбритания арасындағы қарым-қатынасты дамытудағы елеулі үлесі үшін осы награданы табыс еткен еді, деп хабарлайды Orda.kz.

Бұл жайлы Peter Harrington сайтында жарияланды.

Лоттың бағасы 12,5 мың фунт стерлинг, яғни 7,9 миллион теңге. Марапатқа асыл тастармен безендірілген төсбелгі,  жұлдыз және иық жолағында орден белгісі кіреді, олар көк барқыт астарына орналастырылған. Жинаққа ақ атласты астармен безендірілген және «Достық» жазуы бар түпнұсқа қорап та кіреді, сондай-ақ жезден жасалған ілгектері де бар.

Орден жақсы сақталған, бірақ сипаттағанда сәл тозғаны туралы айтылды. Бұл лот коллекторлар мен тарихшылардың назарын аударды.