Назарбаевтың көмекшісі соттасқан Қарағандыдағы кинотеатр жастар орталығына айналады

Қарағандыда кинотеатр ғимараты ұзақ жылдар бойы жүргізілген сот процесінен кейін мемлекетке қайтарылды, деп хабарлайды Orda.kz.  

Бұрынғы Ленин атындағы кинотеатр Жастар үйіне айналады. Мұндай тапсырманы Қарағанды облысының әкімі Ермағанбет Бөлекпаев берді.

 Бұл нысанның тарихы бірнеше онжылдыққа созылады ал 2025 жылғы қаңтарда сот кинотеатр ғимаратын жекешелендіру заңсыз екенін растады. Негізінде1998 жылы ол тарих және мәдениет ескерткіштері тізіміне енгізілген, бірақ арада бір жыл өткен соң Қарағандының сол кездегі әкімі Мәжит Есенбаевтың шешімімен бұл тізімнен алынып тасталды. Одан кейін ғимарат 1,2 млн теңгеге сатылып, оның жаңа иесі Есенбаевтың туыстары негізін қалаған компания болды. Шенеунік тек әкім қызметін ғана емес, жоғары лауазымдарды да атқарды. Ол қаржы министрі және экс-президент Нұрсұлтан Назарбаевтың көмекшісі болған.

2024 жылы прокуратура кинотеатрдың жекешелендірілуінің заңдылығын тексеруді бастап, бірқатар заңбұзушылықтарды анықтады. Сот талқылаулары жарты жылдан астам уақытқа созылып, нәтижесінде сот нысанды жекеменшікке беру мәмілелерін жарамсыз деп таныды. 2024 жылдың қарашасында Қарағандының экономикалық соты ғимаратты мемлекет меншігіне қайтару туралы шешім шығарды, ал 2025 жылдың қаңтарында апелляциялық алқа бұл шешімді түпкілікті бекітті.