Назарбаевтың кезінде шенеунік болған Алик Шпекбаев жеқорлыққа қарсы ұйымды басқармақ

Бір топ беделділер мен үкімет құзырында емес ұйымдар бірігіп «Сыбайлас жемқорлыққа қарсы ұлттық желі» деп аталатын жаңа қоғамдық құрылым құрды. Оның басшысы болып экс-президенттің кезінде шенеунік болған Алик Шпекбаев сайланды, деп хабарлайды Orda.kz порталы.

 Оның жұмысы мемлекеттік және квазимемлекеттік органдар жұмысында ашықтыққа қол жеткізу, бизнестің құқықтары мен заңды мүдделерін қорғау, құқықтық актілерге сыбайлас жемқорлыққа қарсы сараптама жүргізу, қоғамдық бақылау арқылы бюджеттік бағдарламаларға мониторинг жүргізу.

Еске сала кетейік, Алик Шпекбаев Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы болды. Әр түрлі уақытта Алматы облысы Ішкі істер департаментінің бастығы, Ішкі істер вице-министрі, Президент Әкімшілігінің құқық қорғау жүйесі бөлімін басқарған болатын.