«Назарбаевтың дүние-мүлкін қайтару»: Жоғарғы сот қандай шешім қабылдады?

Қазақстанның Жоғарғы соты астаналық Қайыргелді Смағұловтың бірінші президент Нұрсұлтан Назарбаевқа қатысты мемлекеттің пайдасына активтер мен мүліктерді өндіріп алу туралы талап-арызын қарады. Ақыры Жоғарғы сот азаматтың бұл талабын құптаудан бас тартты. 

Бұл туралы Orda.kz хабарлады. 

Смағұлов өз талаптарында Назарбаевтың президенттік қызметі кезінде адамзаттың қауіпсіздігіне қатер төндіргені деген себеппен дүние-мүлкін қайтарту туралы арыз жазған болатын. Алайда «Қазақстан Республикасының Президенті туралы» заңның 36-бабына сәйкес, экс-президент өз өкілеттіктерін жүзеге асыру барысында жасаған әрекеттер үшін жауапкершілікке тартылмайды, тек мемлекетке опасыздық жасаған жағдайда ғана тартылады делінген.

Сонымен, Жоғарғы сот Смағұловтың талап-арызын азаматтық сотта қарауға болмайды деп шешті.