Назарбаевтың бұрынғы келініне қатысты іс: Сот қашан басталады?

Бопсалау және заңсыз түрмеге қамау туралы айыпталған Назарбаевтың бұрынғы келіні Гүлмира Сатыбалдыға қатысты іс бойынша судья қорғаушылардың жеті өтінішінің алтауын қанағаттандырмай, негізгі сот талқылауын бастау туралы шешім қабылдады.

Алматының қылмыстық істер жөніндегі мамандандырылған ауданаралық сотында Нұрсұлтан Назарбаевтың жиенінің бұрынғы әйелі Гүлмира Сатыбалдының ісі бойынша алдын ала тыңдау аяқталды. Судья Мәртпек Кәкімжанов процеске қатысушылардың өтініштері бойынша шешім шығарды.

Гүлмира Сатыбалды мен екінші айыпталушы, оның жүргізушісі Мәди Батыршаевтың адвокаттары жеті арыз түсірген.

Гүлмира Сатыбалдының қорғаушылар тобы бопсалау бабы бойынша қылмыстық істі қысқартуды сұрап, Қылмыстық іс жүргізу кодексінің бұзылғанын айтып, бірқатар дәлелдемелерді жол берілмейтін деп тануды талап етті.

Сондай-ақ адвокаттар сотталушының балаларымен қорқытып жатқанын алға тартып, сот отырыстарын жабық есік жағдайында өткізуді сұрады.

Мәди Батыршаевтың қорғаушысы да сотталушыға қатысты қылмыстық істі тоқтатуды сұрады. Сонымен қатар, адвокаттар сотталушының анасын сот отырысына қоғамдық қорғаушы ретінде қатысуға рұқсат беруді сұрады. Бұл соттың қанағаттандырған жалғыз өтініші.

«Айыпталушы Сатыбалды істі кәсіпқой судьяның бір рет қарауымен сот ісін жүргізу нысанын таңдап, алқабилердің қатысуынан бас тартты. Істі соттылыққа жіберуге, іс жүргізуді тоқтата тұруға және істі тоқтатуға негіз жоқ. Сот тағайындауға ешқандай кедергілер жоқ. Сотталушыларға қатысты бұлтартпау шарасы орынды таңдалды»,-  деді судья Мартпек Кәкімжанов.

Іс бойынша басты сот отырысы 30 мамырда Алматы қаласының қылмыстық істер жөніндегі мамандандырылған ауданаралық сотында сағат 10.00-де басталып, ашық түрде өтеді.