«Мен Назарбаевты жақсы көремін»: Хаменова сот залында көз жасына ерік берді

Атырау облысы әкімінің бұрынғы орынбасарының ісі бойынша кезекті сот отырысы өтті. Бақытгүл Хаменова өз сөзінде тағы да кінәсін мойындамайтынын мәлімдеді.

– Құрметті сот! Қазір мықтылардың уақыты. Мені Назарбаевтың жақтасы деп айта берсін. Мен Елбасын жақсы көремін. Оның елге қосқан үлесі туралы айтуды тоқтатпаймын, – деді ол.

Еске салайық, 10 желтоқсан күні Атырау облысы әкімінің бұрынғы орынбасары ірі көлемде пара алды деген күдікпен ұсталды. 31 мамырда Хаменоваға қатысты қылмыстық іс Атырау қаласының №2 сотына берілді. Сот процесі 3 тамызда басталып, әлі де жалғасып жатыр.