Назарбаевты жақсы көремін, оған кешіріммен қарайық! - Бекболат Тілеухан

Мәжілістің экс-депутаты Бекболат Тілеухан Нартай Аралбайұлына берген сұхбатында Нұрсұлтан Назарбаев туралы сөз қозғады.

Журналист Тілеуханға  «Назарбаев Елбасы статусынан айрылды. Қалай қабылдадыңыз?» деп сұрады. Оған ол:

«Өте жаман қабылдадым. Мені тыңдап отырған тыңдаушылардың ешқайсысына осы айтқан сөздерімнің ұнамайтынын білемін. Осы сұхбатқа дайындалған уақытта кейбір жанашырларым айтты: «Ей, Назарбаевтың атына жылы сөйлемей-ақ қойшы, пәлеге қаласың» деді. Қазір елдер «раздраженный» деп отыр. Енді «раздраженный» екен деп ақиқатты жасырып қаламын ба? Мен ол кісіні біріншіден жақсы көремін. Ол менің тұңғышым. Мемлекет болғанымызда тізгінге ие болған тұлға. Назарбаевтың бойынан жақсылығын іздесең жетіп жатыр. Кемшілігін іздеймін десең, ол да жетеді. Бірақ, біз жақсы мен жаманын салыстыра отырып, тарихи әділдікпен қарауымыз керек. Ешқашан өз заманындағы адамға замандасы әділ баға бере алмайды. Уақыт өтеді, тарихтың көзімен қараймыз... Сол кезде оның бағасы белгілі болады. Осы мәселеге келген кезде кейбір нәрсесін жылы жауып қойып, кешіріммен қарауымыз керек. Жасаған қаншама жақсы нәрсесі бар» деп жауап берді.