Назарбаевтың үндеудегі ым-ишарасы мен мимикасынан не байқалады?

18 қаңтарда экс-президент Нұрсұлтан Назарбаев медиа-кеңістіктегі ұзақ «демалысынан» соң Қазақстан халқына бейне үндеу жасады. Елбасының үндеуі әлеуметтік желіде талқыға түсті.

Біреулер оны елордада түсірмегенін, Елбасы кітапханасының іші жай ғана декорация деп жорамалдаса, енді біреулер Елбасының шаршаған түрін байқаған. Желі қолданушылары оның себебін сырқатпен байланыстырды.

Күмәнді сейілту үшін Orda.kz украиндық визуалды психодиагностик, физиогном Григорий Семчукпен сөйлесті. Ол Назарбаевтың ым-ишарасы мен бет-келбеті нені білдіретінін айтып берді. Маман Елбасыны шын мәнінде не толғандыратынын да талдады.

Сарапшының пайымдауынша, Елбасының айтқан сөздерінен ешқандай эмоционалдық реакция байқалмайды.

– Назарбаев үндеудің басынан бастап психодиагностикада материалдық құндылықтарға жауап беретін бас бармағын үнемі қимылдатады. Қолында бар нәрсені сақтауға тырысып, оларды қозғалтады. Сценарийлерді санау әдісін қолдана отырып, дұрысын іздейді. Белгілі бір кезеңде саусақтарын айқастырған кезде оң қолдың ортаңғы саусағын сол жақтың сұқ саусағымен ұстау әрекеті жасалады

– Оң қолдың ортаңғы саусағы оның күші мен билігінің белгісі. Сол қол – оған жақын орта: туыстары. Сұқ саусақ – сабақ, көрсеткіш, бір нәрсеге көңіл бөлу талабы. Тиісінше, ол өзінің билігін сақтап қалуға, жағдайға қайта араласуға және жақындарының қысымымен билік тізгінін өз қолына алуға тырысады. Оны бітімге келуге және мойынсұнуға көндірген де солар еді. Бас бармақтың қимылын ескерсек, мәселе қаржылық тұрақтылықты сақтау, - деп түсіндірді сарапшы.

Назарбаевтың елдегі элита арасындағы текетіресті жоққа шығарып, өзінің үнемі астанада болғанын айтқан кадрды талдау қиын.

– Ол қайратты және жігерлі адам. Оның қимылы ыңғайсыздануының көрсеткіші, мұны істегісі келмейді. Жаңа реформа туралы сөз кезінде Назарбаевтың үстіңгі ерні көтерілді – ол мұның болғанын білгісі де, қабылдағысы да келмейтінін білдіреді, - деп талдайды Семчук.

Сарапшының пікірінше, Назарбаевтың дене қимылы мен мимикасы адамдарға деген немқұрайлы көзқарасын көрсетеді және ол бірінші кезекте өз мүддесін қорғайды.

Сарапшы бұл көрсеткішті Ресейдің тұңғыш президенті Борис Ельциннің туыстары оны зейнетке шығуға көндірген кездегі биліктен кетуімен салыстырады. Бірақ, сарапшының пікірінше, Назарбаев Ресейдің бұрынғы басшысына ұқсамайды, физикалық тұрғыдан әлі де күшті және төзімді.